يارب نفهم

بسم الله الرحمن الرحيم
اهل الدائرة الكرام
انا مش جاى النهاردة عشان اقولكم تنتخبونى حاشا لله انا عارف قدرات نفسى كويس
لكن انا جاى النهاردة اقولكم برنامجى الانتخابى اللى لو قدر الله ليا انى ابقى جوة المجلس هعمله باذن الله
اولا : بالنسبة للتعليم مفيش حاجة اسمها حد مش هيتعلم كل اهل الدائرة اللى قادر واللى مش قادر هيتعلم
ده غير اننا هنطور المدرسة الرئيسية فى المنطقة وهتبقى احسن من احسن مدرسة فى مصر
ثانيا : الطريق الرئيسى للبلد لازم تتشال منه الزبالة ويترصف من جديد احنا مش ناس زبالة عشان يبقى طريقنا مليان زبالة احنا احسن ناس فى مصر
ثالثا : بالنسبة للشباب انا بقولهم ان مفيش حد فيهم هيقعد عاطل بعد كدة كله هيشتغل ويتعين انتوا مش اقل من اللى مش معاهم شهادات ومتوظفين بسبب الكوسة انا من النهاردة بقولكم لا مكان للكوسة
رابعا : بالنسبة للمياه كنت اثناء مرورى لاحظت بعض الستات لامؤاخذة بيغسلوا فى البحر طبعا دى لو امى او اختى عمرى ما هرضى انها عشان تغسل انها تنزل الشارع وعشان كدة بقولكم ان المياه هتدخل كل بيت واللى عنده مياة مش هتقطع تانى

سؤال بس يا استاذنا

اتفضل

انت واثق انك هتقدر تعملنا كل ده

بفضل الله يابنى

دانت تبقى راجل برنس ومية مية وانا عن نفسى هديك صوتى

خلصت الحدوتة والمولد انفض وصاحب الفراشة جه خدها والكراسى اتلمت والكلام اتعمل نسخ وطبع فى الفراشة اللى جمبه
انا مش معارض ان حد يخدم اهل منطقته
بس اللى انا معارض ليه هو ان اللى عايز يدخل مجلس الشعب يفهم اهل منطقته ان هو ده اللى المطلوب منه لو دخل
ده غير ان فى ناس من غير ماتعمل فراشات ولا حاجة بتكتفى انها تشرح البرنامج الانتخابى فى ورقة ملفوفة بخمسين
يا مصرى اللى بيدخل مجلس الشعب مهمته الرئيسية هى مراقبة عمل الحكومة
وتشريع القوانين وسؤال الوزراء عن ادائهم الى اخره

اما كل اللى فات ده عدا التوظيف فمطلوب من الدولة نفسها وعلى الاخص ممثلة فى مجالسها المحلية واللى تم حلها مؤخرا لتفشى الفساد فيها
ماهو لما تلاقى عمال نازلين يسفلتولك الشارع وبعدها عمال جايين يحفروا عشان المياه وبعدها ييجوا يسفلتوا تانى
يبقى ده معناه حاجتين اولا ان مفيش تنسيق فى عمل الادارات ده لو افترضنا حسن النية
ثانيا ان فلوس الضرائب اللى حضرتك بتدفعها بتتصرف فىمالا محل له من الاعراب ولمجرد اختراع بند فى الميزانية يمكن من خلاله اخراج السبوبة من الكبير للصغير جوة المجلس

يبقى لازم نفرق بين دور المجالس المحلية ودور عضو مجلس الشعب
ولو صاحبنا ده صادق كان خدمك من غير ما يدخل المجلس
ده غير انها مصيبة لو هو فاهم ان هو ده دوره جوة المجلس

عشان كدة فى الانتخابات اللى جاية وهى اول انتخابات مجلس بعد الثورة عايزين ننتخب ناس فاهمة وواعية وحكيمة لانى مينفعش انتخب المعلم بطيخة فى المجلس عشان فلوسه
لان المعلم بطيخة ده لما ييجى يحصل تصويت على قانون معين هيرفع ايده ولا ينزلها على اساس ايه وهيسأل الوزراء على اساس ايه هو اصلا يعرف مسئوليات الوزير الفلانى من العلانى
ياريت شوية عقل احنا بنبنى مصر من جديد
واللى خربوها لبسوا الحديد
من اول بتاع الكليبات لحد عز بتاع الحديد

مصريات

يعنى ايه فنان : يعنى واحد عرف طريقةعشان يشتهر بيها وقعد بعد طول عطاء (او مش لازم فترة طويلة هالة سرحان كانت بتقعد اى حد حتى لو صور نفسه ورفع الفيديو عاليوتيوب ) عشان يتكلم عن مشواره الفنى اللى مايهمناش فى حاجة ولو مالوش مشوار هيحكى عن مشواره اللى وصله للشهرة ( راجع ابو الليف) مع ان الكلام متاخد كوبى وبيست من قناة لقناة يعنى ممكن يتسجل مرة وبالمونتاج نغير المذيع ولوجو القناة

يعنى ايه مواطن : يعنى واحد بيطلع 3 عين امه كل يوم فى المواصلات عشان يروح الشغل وكذلك عشان يرجع ويقبض اخر الشهر ملاليم ميعرفش يأكل بيها نفسه او عيلته لو متجوز

يعنى ايه ثورة : يعنى شوية عيال سيس يطلعوا يهللوا (من واقع تقارير العادلى) وفى الاخر يضيعوا اللى عملوه ويقولوا نعم

يعنى ايه لاعب كرة : يعنى واحد مابيعرفش يوقفها ( الله يمسيك بالخير يارامى يا قشوع) قاعد حاطط رجل على رجل وبيقول عايز 6 مليون فى السنة ولو جه خبير اجنبى عشان يقيمه مش هيديله تعريفة وتبقى النتيجة ان اللى يعرف يدفع حد محدش بيساله جبت الفلوس دى منين وبالتالى منتخبنا القومى جاى كله واكل وشارب ونايم ومتغطى وبيدعى لوكالة الصور التعبيرية للاعلان

الترتيب حسب الظهور 2

مصطفى حسن

مصطفى حسن من اقدم اصدقائى
عرفت مصطفى حسن فى كى جى وان عتيق عتيق يعنى ومش فاكر اذا كنت اعرف حد قبله ولا لا بس هو الوحيد اللى افكره من المرحلة دى مع واحد اسمه رامى عبد الجواد مليش معاه ذكريات كتير
اما بالنسبة لمصطفى فكل اللى فاكرهوله فى المرحلة دى سندوتشات البيض المسلوق اللى مامته كانت بتعملها لانها كانت بتعملها بطريقة الصراحة كانت تخبل تقريبا كدة مصطفى كان بيقوللى انها نص سوى
فكنا متعودين ينعمل الصبح فطار جماعى انا وهو وانضميلنا كريم نبيل بعد كدة من اول 3 ابتدائى
فضلت انا ومصطفى مع بعض لحد ما دخلنا الاعدادية لكن لحد المرحلة دى كنا دايما قاعدين فى اخر دكة فى الفصل وكان معانا كريم نبيل كنا نتسابق عشان نجاوب السئلة اللى بتديهالنا مس فاتن بتاعة العلوم وهى كانت بتاعة علوم ورياضة بس الصراحة شربنا منها الرياضة حتى مصطفى دخل هندسة وانا لحظى الاعثر مع الكيمياء دخلت تجارة خارجية بدل حاسبات ومعلومات
عموما علاقتى بمصطفى تقريبا بدءت تنقطع نوعا ما بعد ما راح فصل تانى غير اللى كنت فيه فى الاعدادية وللصدف العجيبة فصول الاعدادى كانت 3 فصول بس فى مدرستنا مصطفى كان فى واحد وانا فى واحد وكريم فى واحد
وبعد ما خرجنا من المدرسة الاعدادية دخلنا نفس المدرسة الثانوية بس قعدت سنتين تقريبا معرفش اى اخبار عنه لدرجة ان والده توفى وعرفت بالصدفة وكان المتواجد معاه دايما شخصية ظريفة جدا اسمه محمد شعبان يمكن مصطفى اللى ممكن يتكلم عنه اكتر منى لانى ما عاصرتش شعبان غير فى شغلى معاه وكان فعلا شخص لذيذ جدا وقفشاته بتموت من الضحك ده غير طريقة كلامه
بعد ما خلصن االثانوية العامة دخلنا نفس الجامعة (حلوان) اكن كان هو فى كلية وانا فى كلية تانية زى ما قلت قبل كدة
لكن كنا بنجتمع فى الحرم الجامعى كتير نظرا لان مصطفى عارف ان كلية هندسة للرجال فقط حتى الحريم اللى فيها رجال فقط
مصطفى على الصعيد الشخصى راجل جدا
واقرب مواقفه معايا
نزل من الجيش وحضر فرحى
جه معايا اثناء نقل منقولات شقتى قبل الجواز وتعب جدا يومها مع مرسى
مصطفى ملوش علاقة باحمد التلوانى اللى اتكلمت عنه قبل كدة ويمكن يعرفه اسما لكن ملوش اختلاط بيه غير فى قعدتين ३ فقط لا غير
من اشهر مقولاته : قشطة عليك :)
مصطفى لبس جيش 3 ٍسنين والحمد لله خلص
عرفت عن طريقه ناس زى العسل وافتكر منهم
محمد سعد
اسماعيل
دوبى
توفيق

الترتيب حسب الظهور 1

احمد التلوانى

يمكن ناس كتير من اللى يعرفونى يستغربوا ان اول شخصية هكتب عنها هى احمد التلوانى
اه عرفت قبل احمد التلوانى ناس كتير بس نظرا الى انه الوحيد اللى استمر لحد النهاردة فكان هو اول واحد يتكتب عنه

عرفت احمد التلوانى عن طريق محطة الاتوبيس اللى بنستنى عندها اتوبيس مدرستى "شبرا القومية " واللى استمريت فيها لحد ما خلصت الاعدادية
وقتها كنت لسة رايح اولى ابتدائى
ووقتها برضه مكنتش اعرف حاجة فى اى حاجة
فكنت دايما ببعد عن الكلام مع الكائن الشقى جدا اللى اسمه احمد التلوانى
وقتها كان احمد التلوانى فى نظرى حاليا زى بتاع اين اشيائى فى لا تراجع ولا استسلام
بينط على اى حد وبيضرب اى حد
لدرجة انى توقعت انه فى مرة هيحصل منى فردة عشان اطلع الاتوبيس واروح المدرسة
وكان من المنطقى لواحد زيى ميعرفش اى حاجة فى اى حاجة انى اتفرج على التلوانى من بعيد
بصراحة ماكنتش بهتم بافعاله قد ما بهتم بضحاياه
يمكن كنت بشبهه بعد كدة بتوتو عضلات احد ابطال سلسلة فلاش وسماش
واللى ميعرفش احمد التلوانى يمكن يعتقد من كلامى انه كائن مفتول العضلات عريض المنكبين
لكنه فى الواقع ممكن كان يكون ده امنيته بس الزمان هده
المهم انى اتعرفت عليه من خلال تبادل الاحاديث بين والدته ووالدتى ووجدت فى كلامهم انى ممكن اتعرف عليه عادى ومش هتضرب ولا هدفع فردة الاتوبيس
ومرت الايام وفضل معاي التلوانى لحد ما خلصنا الاعدادية
وبعد كدة راح هو مدرسة ثانوية مختلفة
بس لا تزال قهوة سيزر فى عبود بتلمنا لحد النهاردة بالرغم من انى غيرت مكان اقامتى سواء قبل الزاوج او بعده

من اختراعاته : كان بيطبق ورق فيه السؤال اللى هو عايزه فى اللجنة ويرميه للى عايز ياخد منه الاجابة..
اختراعه طبق حاليا فى لعبة اسمها جو فيش عشان كدة بنصحه يروح ياخد حقه ناشف من الشركة

من اقواله الماثورة معايا : انا اللى معرفك على محمد رمضان
محدش فاهم حاجة
اوزع

اشتهر التلوانى بالالقاب التالية : صاروخ التاريخ المعاصر
شيخ الحارة

مطربه المفضل : عبد الحليم حافظ وكل ماله صلة بما قبل 1980

شخصيات فى حياتى

مش عارف ليه من غير مقدمات وانا نايم حلمت انى بكنب عن ناس كتير مروا عليا فى حياتى

بكتب عن ظروف لقائى بيهم ومميزاتهم وعيوبهم من وجهة نظرى والحاجات اللى اثروا فيا بيها

مش شرط كلهم بس الاكثر تاثيرا فى حياتى هم اللى كنت بكتب عنهم

ولقيت نفسى بدون مقدمات برضه قمت عشان اكتب الكلمتين دول للاسف النوت اللى بكتب فيها الافكار عشان ما انساهاش مش لاقيها ففتحت الجهاز عشان اكتب قبل ما انسى انى هبدأ اكتب عنهم

مش هتنازل عنك ابدا مهما بكون

يفتح من ان لاخر بريده الالكترونى .. فقط ليقرأ رسائلها القديمة
ويفتح على الاخص تلك الرسالة .. وقت تعارفوا لاول مرة

قد كانت الصدفة هى عنوان تعارفهما .. وودعا الصدفة وقت قررا ان يبقيا معا للابد
ولكن من قال انه لكى يجتمع اثنان على الحب فقرارهما وحده هو المتحكم
تدور فى رأسه كل الاحداث التى حدثت لهما معا
اذكر هذه الرسالة لاتى ارسلتها يوم عيد الحب
واذكر تلك التى ارسلتها الى كى تصالحنى
.. هل يجوز ان يظل حبها عالقا بداخلى حتى بعد زواجها من اخر
لا اعلم شيئا ولكنى كل ما اريد معرفته انها بداخلى ولن احب غيرها مهما حدث
ويفيق على هاتفه
love is calling
لن ارد عليها فلا اريدها ان تخرجنى خارج هذا التأمل فى الماضى
ثم لماذا اسميها حبيبتى على الهاتف .. ان لى حبيبة واحدة ولن احب بعدها احد
يرفع الهاتف ليجيب " بقولك ايه انا مش فايقلك "
فترد عليه .." ايه ايه .. فى ايه يا حبيبى انا عملت حاجة؟"
يجيب بدوره ." لا معلش يا حبيبتى كنت متعصب بس ما تزعليش منى"

بتاخد كام يعنى

اغبى سؤال سؤلته فى السنتين الماضيين من بعض اصدقائى

فانا مثلى مثل اى شاب يبحث عن فرصة لعمل يحبه بعد التخرج ولانى مؤمن ان فرص العمل فى مجال تحبه ضئيلة فقد بدأت مبكرا بتنمية موهبتى فى المجال الذى احبه

ولم ادع مجالا للدخول فيه ولا فرصة لاكتساب خبرة مثل تصميم المواقع ,, تصليح لاجهزة , تجميعها , حتى اى سؤال فى الكمبيوتر وان لم اكن اعرفه فانى ابحث عن اجابة عنه ومن لدع من معلوماتى الخاطئة كثيرا صديق عمرى احمد بدوى لانى اجرب فيه احيانا ,

ويحدث ان يتكلم معى بعض اصدقائى على ماافعله فى حياتى الى جانب الدراسة فتكون اجاباتى ايا من الافعال السابقة فيكون الرد المنتظر والسؤال فى نفس الوقت هو عنوان البوست

ويسال مرة اخرى هذا السؤال حينما يدعونى احد الاصدقاء الى الخروج معه واخبره بانى مشغول بهذه الاشياء ولا يوجد فى جدولى لهذا الاسبوع وقت لخروج , ناهيك عن عبارات " ماشى ياعم المهم " " بقيت مهم حتى على صحابك " فاذا اخبرتهم انى وضعت لهم وقتا لزيارتهم والجلوس والتحدث اقابل بنوعا من السخرية الشديدة التى كانت تغضبنى فى البداية ولكنى اعتدت عليها الان ولم اعد ابالى بها

ولمن يعرفنى جيدا فانا احتفظ بنوتة صغيرة على مكتبى اقوم بتدوين المواعيد والمهام اولا باول بها وذلك حتى لاا نسى والان يستطيع كل من يقرا الان ان يتوقع رد فعلا ايا من اصدقائى السابقين حين ياتون لزيارتى ويرون هذه النوتة

وعلى راى صديقة عزيزة جدا لى ,,ربنا كبير

والله يابنى مانا شايف

انتهت عبارات مبروك للمنتخب ولفلان وفلان
واعترف ان الجيل الحالى للاعبين هو اقوى جيل ظهر فى تاريخ قدم القدم المصرية , ةقد يعارضنى بعض كبار السن قائلين "انت ماشفتش الفناجيلى يا عم ولا الشاذلى شوطته والقبر " و و و وتنتهى هذه العبارات بتنهيدة على هذا الجيل
ولكنى مع احترامى لكل هؤلاء اللاعبين فقد كانوا عظماء فى زمنهم والذى كان فيه لعبا لكرة اضعف فنيا وبدنيا من الوقت الحالى واذا لم تصدقنى حاول ان تشاهد مباراة لكرة القدم فى الثمانينات فاذا لم تضحك على طريقة ركل الكرة او تكتيكات اللعب فاذن انا بمخطىء
هذا شىء وابضا ان المنتخب قديما كان يلمع بفضل لاعب او اثنان اذا غاب احدهم فقدنا البطولات وانصع مثال على ذلك اللوم الذى لازال يوجه للكابتن الجوهرى على عدم اشراك طاهر ابو زيد فى كاس العالم ,وهل ستتوقف الدنيا على ابو زيد مع احترامى له
الان راينا ان المنتخب لم يتوقف على لاعب بعينه ورحل حسام غالى واصيب احمد حسام والاداء اعلى مايمكن
وماارمى اليه الان هو ان المتابع للكرة المصرية منذ سنوات مضت يرى ان الجيل الحالى يتشكل معظمه من منتخب شوقى غريب وشحاتة واللذين حصلوا على المركز الثالث بكاس العالم للشباب وكان من ابرز اللاعبين فى هذا الوقت هو محمد اليمانى ووقتها راهن الجميع على ان هذا الجيل سوف نراه يحقق البطولات للمنتخب الاول والان قد كسبت هذه الرهانات يجب طبعا ان نفرح بهذا الجيل من اللاعبين والذين يقودهم الحرس القديم وبعض اللاعبين ذوى الخبرة
ودعونا لاننظر تحت اقدامنا الان فتعالوا ننظر الى منتخب الشباب الان حتى نستطيع ان نتفائل ونقول اننا سنكون على طريق الريادة العالمية فى كرة القدم مستقبلا مثلما حدث سابقا مع هذا الجيل فانا لاارى ان جيل الشباب الحالى بنفس قوة الجيل الذى اسميه الان بالجيل لذهبى
وربما كان الاهتمام وقتها بمنتخب الشباب نابع من كون المنتخب الاول فى اسوا حالاته و الان عندما يكون المنتخب الاول فى احسن حالاته يقل الاهتمام بمنتخب الشباب
يا كل مسئول فى المحروسة انظر للامام ولا تنظر تحت قدميك

المسجون

هل احسست ولو لمرة انك سجين المنطق

هل اردت الطيران والرفرفة بجناحيك وايقنت انه دربا من دروب الجنون

هل اردت فجأة ان تثور لتضرب مدرب رفع الاثقال ويخشاك بعد ذلك

هل اردت ان تصبح احد اعضاء فانتاستيك فور

لا تتوقع الان ان اصيح قائلا ... الان يمكنك فعل ماتريد مع مسحوق استغلالكو

اطلبنا نصلك فى اى مكان

اريد فقط ان اقول ان كل شىء نفعله نعلم مسبقا على الاقل حدثين او ثلاثة من النتائج الاكيدة الحدوث واخرى من المحتملة

وهناك احتمالات مستحيلة الحدوث وهى مايبحث عنه معظمنا ...

لا يجب ان نترك انفسنا سجناء لبعض القواعد

حرر عقلك ... جملة استخدمها مورفيوس فى ماتركس لتعليم نيو كيبف يمكن ان يصبح مايريد فى لحظة دون التقيد بقوانين الطبيعة النمطية

لما لا نحرر عقولنا نحن ايضا ولكن بشكل من التعقل بحيث لا نترك شئيا قبل ان نفعله بحجة ان مستحيل الحدوث

قد يحدث ولكن بطريقة اخرى

واذا فعلا ذلك يمكنك على الاقل

ان تلعب قليلا بالجرافيكس وتصنع نفسك طائرا فى السماء... ها قد اشبعت جزءا ضئيلا من امنتك ووسعت افاق معرفتك بالكمبيوتر

نهاية لم اتناول الموضوع كما ينبغى نظرا لحالتى النفسية السيئة هذه الايام

ولكن اتمنى ان تكون قد فهمت الفكرة ....حرر عقلك

مناحيس

لم اؤمن طوال عمرى القصير حتى الآن بالنحس

او ان ممكن يكون فى انسان منحوس

لكن بدأت اؤمن بالموضوع ده مؤخرا بالرغم من تأكدى ان كل شىء قسمة والشبراويشى

اللى خلانى اتأكد هو ان معظم الاشخاص اللى كانوا بيحكولى عن مشاكلهم مؤخرا حسيت ان اللى بيحصلهم وبيحصلى ده وخاصة فى المسائل العاطفية مش طبيعى

فى حاجة غريبة ...حاجة نظرا لكوننا بشر محدودى العلم منقدرش نسميها غير (نحس)....ولهذا

عملت جروب مخصوص ليا وللجماعة دى على الفيس بوك اسمه مناحيس

والاشتراك فى الجروب بشروط

اولا : ماتكونش مرتبط

ثانيا : تكون مريت على الاقل بحادثة نحس فى الشهر الماضى

ثالثا : تكون امك داعيالك ... مانت ممكن تقوللى ان النحس عشان امك داعية عليك لكن احنا عايزين النحس غير المسبب

شعارنا : على دماغنا فانوس